గోదావరీ! నాద ఝరీ !
- ఉషా వినోద్ రాజవరం
పవిత్ర గోదావరీ నదీమతల్లి ని కీర్తిస్తూ డా. భద్రి రాజు గారు వ్రాసిన ఈ లలిత గీతము ను నేను చిన్నప్పుడు స్కూల్ ఫంక్షన్ లలో నూ, పెద్దయ్యాక ఆల్ ఇండియా రేడియో లోను పలుమార్లు ఆలాపించాను.. రేడియో పాట గురువు డా . ఎం చిత్త రంజన్ గారికి ఏకలవ్య శిష్యురాలినై ఈ పాట తో బాటు ఎన్నో లలితా గీతాలను నేర్చుకొని మళ్ళీ రేడియో లోనే ఆలాపించి, ఆయన చేత సెహబాష్ అనిపించుకోవటం ఎంతో ఆనందాన్నిచ్చింది .. ఈ పాట మీ అందరి కోసం అచ్చం గా తెలుగు లో ....
పల్లవి : గోదావరీ! నాద ఝరీ ! గోదావరీ! నాద ఝరీ !
ఎన్నెన్ని యుగాల స్మృతులు ఎద బరువై పాడుదువో
మరి ఎన్ని యుగాల దాక మా నేలన పారుదువో ॥ ఓ ॥ గోదావరీ ॥
చ : వ్యాహ్యాళి కి నీ ఒడ్డు కు వచ్చిరి..... సీతా రాములు - 2
ఎచట కాలు కడిగితివో ఏమి నోము నోచితివో -2 ॥ఓ॥ గో ॥
చ: అన్నయ్య కూ వదినెమ్మ కు అంగరక్ష గా తిరిగే
వొంటరి లక్ష్మణ స్వామికి ఊర్మిళ నే తలపించితివో .. ఓ ..॥ గో ॥
చ : భద్రుని ప్రార్ధన కు మెచ్చి బస చేసిన శ్రీ రాముల ..
కబురులన్ని గోపన్న కు కల లోనే చెప్పితివో ఓ ఓ ..... ॥ గోదావరీ ॥
No comments:
Post a Comment