కళ్యాణి మణిద్వీప మందున ఉదయించే తొలిరాగమై

 కళ్యాణి మణిద్వీప మందున ఉదయించే తొలిరాగమై       

రెడ్లం చంద్రమౌళి

పల్లవి:         సంగీతం శ్రుతిలయలుగా సాహిత్యం కృతి పలికెనే

                లయతోడై రాగమ్ము రసమయ భావాన్నే పలికించగా

                                                                                װసంగీతంװ

చరణం:1      నాధంలో వెలిసింది రాగం స్వరగతులే ధ్వనియించగా

                నాట్యంలో విరిసింది తాలం తాండవమూ లాస్యమ్ముగా

                ఊహల్లో జనియించి భావం అక్షరమే ప్రతిరూపమవగా

                గానంలో రసరమ్య గీతం హృదయాన్నే కదిలించలేదా

                సంగీతం...స్వరమేలే...సాహిత్యం...పదమేలే...

                చరణాలే జతచేరి పల్లవి గేయంలో జ్ఞానమ్ము తెలుపగ

                                                                                װసంగీతంװ

చరణం:2      కళ్యాణి మణిద్వీప మందున ఉదయించే తొలిరాగమై

                ప్రతిరాగం కళ్యాణి నుండీ జతవీడి జనియించగా

                ఓంకారం ప్రధమాక్షరముగా పలికేనే పాపాయిలే

                ప్రతి మంత్రం ఉచ్ఛారమందున ప్రాణమ్మే ఓంకారమవగా

                వేదాలే...నాధాలై...ఓంకారం...బీజాలై...

                కుండలినీ జాగృతిని చేయుచు ఓంకారం సాగింది నాలో

                                                                                װసంగీతంװ