అమృత భాండం

అమృత భాండం 

-హైమా శ్రీనివాస్ -చికాగో.

పూలవాసనకు హృదయం పరిమళిస్తే! ,- -పసిబిడ్డలనవ్వుకు మనసు నర్తిస్తే!,  

 ‘అంబా !’ అరుపుకు మది మురిస్తే!,--కోయిలగానాలకిహృది కుసుమిస్తే!,

 నదుల జలజలలకు ఒడలు పురివిప్పితే !,

  నీది ప్రేమించేహృదయ మే!! 

 పిడికెడు మెతుకుల్లేక  పక్కవాడిడొక్కమాడుతుంటే ,

   కప్పుకోను గుడ్డలేక గుడిసేలోవాడు ఒణుకుతుంటే,

 ఆకలికి ఆగలేక అడుక్కునే పిల్లలు అరుస్తుంటే,

  ముసలాళ్ళు దిక్కులేక దిగులుతో మూల్గుతుంటే, 

 పలక పట్టేవయసువాడు తట్టతో మట్టి మోస్తుంటే ,

 చూసిన నీమనస్సు స్పందిస్తే నీది ప్రేమ హృదయ మే!!!

మమత నే నవనీతంతో మనస్సంతా నిడిపోవాలి, - నీకున్నది లేనివానికి కొంతైనా పంచ గలగాలి

 నీ సంపదనలో పదో వంతైనా ధర్మచేయగలగాలి,--నీస్వార్జితం ధర్మబధ్ధమైందై ఉండాలి  .

 నీ మనస్సు ‘అందా’ నికి స్పందించినట్లే – -తోటిమానవుని ‘కష్టా’నికీ  స్పందించాలి.

 అపుడే నీది ‘ప్రేమ’హృదయం!—అపుడే నీవు ‘ప్రకృతిప్రేమికుడివీ’ -

 మానవత్వమున్న మనిషివీ!- నీమాతృభూమిఆరాధకుడివీనీ.

  ఫ్రేమ’ ప్రేమిస్తేనే’  తెలుస్తుంది,-- ప్రేమ’ మానవసేవ’ తోనే ప్రకటిత మవుతుంది.

  ప్రేమంటే కామమూ కాదు, మోహమూ కాదు,-తోటివారిని తనవారనుకోడమే ప్రేమతత్వం

   మనస్సున్న  ‘మానవత్వం’!—మమత వర్షించే’అమృత భాండం’ !!

 ***********