ఎదుర్కొన్నప్పుడే

ఎదుర్కొన్నప్పుడే........

భమిడిపాటి స్వరాజ్య నాగరాజా రావు.

ఏ సమస్యనైనా ఎదురేగి ఎదుర్కొన్నప్పుడే,

ఆ సమయంలో నీలోసాహసం ఉట్టిపడి,

నీ ఆశయం గట్టి పడుతుంది,

పరిమితిలేని పట్టుదలతో పిడికిళ్ళు బిగించి,

నీ సంకల్పం కదం తొక్కినప్పుడే,

వీరత్వం నీవెన్ను చరిచినప్పుడే, 

విజయపధం నీముందు నిలుస్తుంది.

గాలికి కొట్టుకొని పోవటానికి, 

గాలి తిరుగుళ్ళుతిరగటానికి కాదు 

నీ ఈ జీవితం.

సుడిగాలిలా చెలరేగి నప్పుడే,

నీ సంకల్పం సాకారమౌతుంది. 

జడివానలా చుట్టేసినప్పుడే

విజయం నీకు ప్రాకారమౌతుంది  

ఒకే నిర్ణయంతో నీ మది నిండినప్పుడే

ఏ వికల్పమైనా నిన్ను చూసి భయపడుతుంది.

వైఫల్యాలను మరచి,వైషమ్యాలవెన్నువిరిచి, 

నీ మనసు కర్తవ్యంలో లీనమైనప్పుడే 

జీవితం నవ్యమౌతుంది, 

దివ్యమౌతుంది, ధన్యమౌతుంది. 

***