నవ్వేశా

నవ్వేశా

శ్రీపతి వాసుదేవమూర్తి 

నవ్వేశా......గట్టిగా నవ్వేశా

గుండెలనిండా గడ్డకట్టుకుని

ఉన్న విషాదం పగిలి

కళ్ళ నుండి పూర్తిగా

కారిపోయేవరకు నవ్వేశా.

ఇప్పుడు నా గుండెల్లో నువ్వూ లేవు

నీ కారణంగా అలముకొన్న దు:ఖమూ లేదు

ఇక నాలా నేను బ్రతుకుతా

నా కోసం నేను బ్రతుకుతా.

మంచివాడిని

అనిపించుకోవడం కోసం నటించను

ఆ మంచితనాన్ని

నిలబెట్టూకోవడం కోసం ప్రయత్నించను.

ఎదుటివాళ్ళను

ఆనంద పరచడం కోసం బ్రతకను

నన్ను నేను హింసించుకుంటూ

 ఎవరినీ సంతోషపెట్టను.

నా అహంకారానికి మొహమాటం,

మంచితనం ముసుగులు వేయను

అన్నింటికన్నా ముఖ్యంగా ఇంకెప్పుడూ

ఎవరినీ ప్రేమించను.

 ***