శ్రీథరమాధురి - 69

శ్రీథరమాధురి - 69

                     (పూజ్య శ్రీ వి.వి.శ్రీధర్ గురూజీ అమృత వాక్కులు)

ఒక కొడుకు తన ముసలి తండ్రిని సాయంత్రం డిన్నర్ కోసం ఒక రెస్టారెంట్ కు తీసుకుని వెళ్ళాడు.

తండ్రి బలహీనంగా , ముదుసలిగా ఉండడం వల్ల, తినేటప్పుడు ఆహారాన్ని తన చొక్కాపై, ప్యాంటుపై పోసుకున్నాడు.

ఇతరులంతా ఆయన వంక చీదరగా చూడసాగారు, కొడుకు మాత్రం మౌనంగా ఉన్నాడు.

ఆయన తినడం పూర్తయ్యాకా, కొడుకు ఏ మాత్రం ఇబ్బంది పడకుండా, ఆయన్ను మౌనంగా వాష్ రూమ్ కు తీసుకుని వెళ్లి, ఆహారపు కణాల్ని దులిపేసి, మరకలు తుడిచేసి, తల దువ్వి, ఆయన కళ్ళజోడును సరిగ్గా పెట్టాడు. వారు బయటకు వచ్చాకా రెస్టారెంట్ మొత్తం మౌనంగా చూడసాగింది. ఆ విధంగా బాహాటంగా, ఎవరైనా తమను తాము ఎలా ఇబ్బంది పెట్టుకోకుండా ఉండగలరో వారికి అర్ధం కాలేదు.

కొడుకు బిల్ కట్టేసి, తన తండ్రితో నడవసాగాడు.

ఆ సమయంలో అక్కడ భోంచేస్తున్న ఒక పెద్దాయన అతన్ని పిలిచి, ఇలా అడిగాడు,”నువ్వేదో మర్చిపోయావని నీకు అనిపించటంలేదూ ?”

కొడుకు, “లేదు సర్, మర్చిపోలేదు,” అన్నాడు.

ఆ పెద్దాయన ఇలా జవాబిచ్చారు,”నువ్వు మర్చిపోయావు ! నువ్వు ప్రతి కొడుకుకు ఒక గుణపాఠాన్ని, ప్రతి తండ్రికి ఒక ఆశను వదిలి వెళ్తున్నావు, “అన్నారు.

మొత్తం రెస్టారెంట్ మౌనం వహించింది.

***

మాంచి జోక్...

తండ్రి : నాకు నలుగురు కొడుకులు ఉన్నారు.

మొదటివాడు – పి.హెచ్.డి

రెండోవాడు – ఎం.బి.ఎ

మూడోవాడు – ఇంజనీర్

నాలుగోవాడు – దొంగ

పొరుగింటాయన : ఆ నాలుగోవాడిని ఇంట్లోంచి మీరు బైటికి ఎందుకు గెంటెయ్యరు?

తండ్రి – మా ఇంట్లో సంపాదించేది అతనొక్కడే. మిగతా వారంతా నిరుద్యోగులు !

***

ఆమె – గురూజీ, నాకు తపస్సు చెయ్యాలని ఉంది. మీరు నాకు దిశానిర్దేశం చేస్తారా?

నేను – తప్పకుండా...

ముందు నువ్వు కొన్ని చిన్న పనులు చేసి, వాటిని 100% ఆచరించాకా, నా వద్దకు తిరిగి రావాలి.

నీ అహాన్ని వదిలి, దైవేచ్చకు లొంగిపోవాలి.

నీకోపాన్ని వదిలి, బేషరతుగా, ఎవరెలా ఉంటే అలా అందరినీ ప్రేమించాలి.

స్వార్ధాన్ని వదిలి జీవిస్తూ, ప్రపంచానికి సేవ చేసేందుకు నిన్ను నువ్వు సమర్పించుకోవాలి.

ఆ తర్వాత ఆరేళ్ళ పాటు నేనామెను చూడలేదు. హఠాత్తుగా ఒకరోజున ఆమె నా వద్దకు వచ్చింది. మేము 4 గంటల పాటు మౌనంగా ఉన్నాము. తర్వాత, ఆమె నన్ను హత్తుకుంది, నేనామెతో ఇలా అన్నాను,’ తల్లీ, ఇప్పుడు దైవం నీతో మాట్లాడుతున్నారు, నువ్వు గమ్యాన్ని చేరావు.’

ఆమె – అవును గురూజీ, నేను దాన్ని అనుభూతి చెందగలుగుతున్నాను.

ఆమె వెనక్కు వెళ్తూ ఉండగా, ఆ దిశలో నేను ముమ్మారు సాష్టాంగనమస్కారం చేసాను... ఒక యోగిని జన్మించింది.

***