వర 'భాష తెలుగు '

వర 'భాష తెలుగు '

- సుజాత. పి.వి.ఎల్

తెలుగు వారిమైనట్టి

తెలుగు మాట్లాడక

ఆంగ్ల భాషకు హారతులు పట్టుటేల ?

'వర 'భాష అయినట్టి

మన భాషనొదిలి

పర భాషని కీర్తిస్తూ బ్రతుకుటేల ?

రాయలేలిన సీమ రతనాల సీమని ..

రత్నమై తెలిపే మన తెలుగు భాష

తేట తెల్లనైన మన తెలుగు మాటలు ..

తేట గీతిని తెలుపు మన తెలుగు పాటలు..

మన భాషకే సొంతమని మరిచినారా ?

పద్య కవితలతో పరమాన్నమే చేసి

చంపక ,ఉత్పల మాలతో మాలలే అల్లి

కందము , సీసములతో వచనాలు కూర్చి

తెలుగు తల్లిని పూజింప పుణ్యమొచ్చున్ ..!

గర్వమంతా ప్రోగు చేసుకుని పలకరా..తెలుగుని

నీ భాష 'తెలుగుని 'చాటరా ఎలుగెత్తి ..

దేవ భాషకి ధీటైన భాషరా.. మన తెలుగు

తెలుగులో మాట్లాడి పొందరా ఎనలేని గౌరవం ..!

*******