అర్ధం - పరమార్ధం

 అర్థం..పరమార్థం

-ప్రతాప వెంకట సుబ్బారాయుడు

జీవితమంటే

నలుగురు మోసుకుపోకముందే

నలుగురితో కలిసి ఎలా ఉండాలో తెలుసుకోవాలి

నిజమే, అందరూ ఒక్కలా ఉండరు

ఈ సృష్టే అంత

కానీ ఎందుకిలా ఉంది?

ఒకరి జ్ఞానం మరొకరికి వెలుగుదారి చూపించాలి

ఒకరి లోపానికి మరొకరు సమాధానంగా నిలవాలి

ఇదీ విచక్షణ కలిగిన మానవుడి నుంచి 

భగవంతుడు ఆశించేది

అందరం సరదాగా.. సంతోషంగా ఉంటేనే

ఈ జనోద్యానవనం ఆహ్లాదంగా ఉంటుంది

ఆ తోటమాలి ఏ మొక్కనీ నిర్లక్ష్యం చేయడు

అన్న స్పృహ కలిగి ఉంటే చాలు

బెంగలు..బాధలూ పటాపంచలవుతాయి

జీవించడంలోని అర్థం..పరమార్థం బోధపడతాయి.

***