తీరని ఆశయం

 తీరని ఆశయం

భమిడిపాటి స్వరాజ్య నాగరాజా రావు.

 

సీతాకోక చిలుకలా మారాలనే

ఆశయాన్ని చేరకుండానే,

రోజులను గడుపుతున్నాను.

గొంగళీ పురుగుగానే మిగులు తున్నాను,

నాపై నేనే రోతతో రగులుతున్నాను.

కృంగిన నల్లటి జీవితాన్నొదిలి

రంగు రంగుల రెక్కలతో

ఎంచక్కా ఎగరాలని,

ఈ స్థాయి నుండీ కదిలి

హాయిగా స్వేచ్చగా తిరగాలని,

నాలోనేను ఎంతగా కుములుతున్నా

ఈ బ్రతుకుచెర వీడటంలేదు.

విధి నన్ను వింతగా నములుతున్నా,

చేసిన పాపాలపొర కరగటం లేదు.

అనుభవించటమే తప్ప

ఆశించే అవకాశమే లేదు.

ఎప్పటివో మరి ఆ తప్పులు,

అవే ఇప్పటి ఈ అనుభవాల చేదులు.

 

  ***