ఆడబిడ్డా ! నీ చిరునామా ఎక్కడ ?
కందర్ప మూర్తి, హైదరాబాదు
మొబైల్ : 83745 40331
అలనాడు ఆడపిల్లగ పుట్టుట కన్న
అడవిలో కలుపుమొక్కగ పుట్టుట మేలు
చదువుసంద్యలు లేని అజ్ఝాన అంధకారమున
ఆంక్షల పరిధిలో ఇంటిలోన సంకెళ్లు
అక్షరజ్ఞానము లేకుండగ కాలము వెళ్లబుచ్చె
కన్యాశుల్కము పేరున అంగడి బొమ్మగ చేసి
పసివయసులోన అమ్మినారు నిన్ను
బాల్య వయసులోన బాల వధువు
వయసు వచ్చినాక బాల విధవ
ఆంక్షల అంధకారమున సాగును
యవ్వన జీవితం అడవిపాలు
భారము తీరునని పసివయసులోనె
పసుపుతాడు బంధంతో కాళ్లకు పారాణి పెట్టి
తోలెదరు అత్తవారింటికి నవ వధువుగా
మొదలగును అప్పటి నుండి ఆడ... పిల్లగ
బతుకుబండి కడు భారముగ లాగలేక
సాగును ఆమె జీవితం గానుగ ఎద్దులాగ
రోజులు మారినా నేటి ఆడపిల్ల బతుకు మారలేదు
పాఠశాల నుంచి ఉధ్యోగ పదవులలోన కూడ
లైంగిక వేధింపులె అన్ని రంగాలలోన
ఆడపిల్లంటె గుండెల మీద కుంపటిగ తలిచి
కడుపులోని పిండము ఆడశిశువని తెలిసిన
బాహ్య ప్రపంచమును చూడకుండగనె
కడుపులోనే కరగబెడుతున్నారు కిరాతముగ నేడు.
* * * *
ఆడబిడ్డా ! నీ చిరునామా ఎక్కడ ?
***
No comments:
Post a Comment