'స్మిత సౌరభం!'

 'స్మిత సౌరభం!'

-సుజాత.పి.వి.ఎల్,

సైనిక్ పురి, సికిందరాబాద్.

పెదాల ప్రమిదకు

శుభజ్యోతిగా నిలిచి చిరునవ్వై

వెలుగులీనుతుంది..

'నువ్వు..నేనను' బేధభావాలను రూపుమాపి

నమ్మకానికి పునాదిగా నిలుస్తుంది..

మదిని ఆకర్షించే

అయస్కాంతమవుతుంది..

మనసు నుంచి మనసుకు

స్నేహాస్తపు కరచాలనానికి సిధ్ధమౌతుంది..

మనిషి సంఘ జీవనానికి

ప్రథమ సోపానమౌతుంది.

గోరంత కనిపిస్తుంది.. కానీ

కొండంత ఉపకారం చేస్తుంది..

మానవ ముఖానికి

విధాత ఇచ్చిన అద్భుత పరిమళానంద వరం..

'స్మిత సౌరభం!'

***